ውሃና ኢነርጂ ለሀገራዊ ልማት፣ ሰላምና ዘላቂ ደህንነት
መስከረም 14/2019 ዓ.ም (ው.ኢ.ሚ) የውሃና ኢነርጂ ሀብቶች ለሀገራዊ ልማት፣ ሰላምና ዘላቂ ደህንነት ለኢኮኖሚ ዕድገትና ለዜጎች የኑሮ መሻሻል ከፍተኛ ሚና ያላቸው በመሆኑ፣ ዘላቂ የውሃና የኢነርጂ አቅርቦትን ማረጋገጥ ከሀገራዊ ልማት በተጨማሪ ለሰላምና ደህንነትም የጀርባ አጥንት ነው።
የውሃና ኢነርጂ ሚኒስቴር የውሃ ሀብትን በአግባቡ ለመጠቀም፣ የንፁህ መጠጥ ውሃ ተደራሽነትን ለማስፋት፣ የመስኖ ልማትን ለማጠናከር፣ የኤሌክትሪክ ልማትና ተደራሽነትን ለማሳደግ እንዲሁም የኢነርጂ ልማትን ለማፋጠን የተለያዩ ስራዎችን ሲሰራ ቆይቷል።
የውሃና ኢነርጂ ልማት ለዜጎች የኑሮ ደረጃን ከማሻሻል ጋር በቀጥታ የተያያዘ ሲሆን ንፁህ የመጠጥ ውሃ መኖሩ የጤናንና የንፅህናን ሁኔታ ያሻሽላል፤ የመስኖ ውሃ ተደራሽነት እንዲሁም የግብርና ምርታማነትን ያሳድጋል፤ በኤሌክትሪክ ተደራሽነት ደግሞ የኢንዱስትሪ፣ የንግድና የአገልግሎት ዘርፎችን ዕድገት ያግዛል።
ታዳሽ የኢነርጂ ምንጮችን በማልማትና የኤሌክትሪክ ተደራሽነትን በማስፋት የገጠርና የከተማ ነዋሪዎች የልማት ተጠቃሚነትን ማሳደግ በሀገራዊ ልማት ሂደት ውስጥ የሚኖረው ድርሻ የጎላ ነው፤ በዚህም የስራ ዕድል ፈጠራን፣ የምርትና አገልግሎት ዕድገትን እና የማህበረሰብ ተጠቃሚነትን ያጠናክራል።
በሌላ በኩል ውሃ የጋራ ሀብት በመሆኑ በፍትሀዊነት፣ በትብብርና በዘላቂነት መጠቀም የሀገራትንና የማህበረሰብን የጋራ ጥቅም ለማስጠበቅ ወሳኝ ነው።
የውሃና ኢነርጂ ሚኒስቴርም የውሃ ሀብት ልማትና አጠቃቀም በጋራ ጥቅምና በትብብር መርህ እንዲመራ ከሚመለከታቸው አካላት ጋር የሚያደርገውን ቅንጅታዊ የአሰራር ስርዓት በማጠናከር ሀገራዊ ሰላምና የጋራ ተጠቃሚነት ላይ በትኩረት ይሰራል።
የውሃና ኢነርጂ ልማት የመንግስት ብቻ ኃላፊነት ሳይሆን የሁሉም ዜጎች፣ የግሉ ዘርፍ፣ የልማት አጋሮችና የሚመለከታቸው ባለድርሻ አካላት የጋራ ጥረትን የሚጠይቅ ነው።
በተጨማሪም የውሃ ሀብትን በኃላፊነት መጠቀም፣ የኢነርጂ ሀብትን መጠበቅና የልማት ፕሮጀክቶችን መደገፍ የሁሉም ዜጋ የጋራ ኃላፊነት ነው።
በመሆኑም የውሃና ኢነርጂ ዘርፍ የሀገር ልማትን ከማፋጠን ባለፈ የዜጎችን የኑሮ ደረጃ ለማሻሻል፣ የጋራ ተጠቃሚነትን ለማሳደግና ለዘላቂ ሰላምና ደህንነት ወሳኝ የልማት ዘርፍ ነው።
ስለተቋማችን ተጨማሪ መረጃዎችን ለማግኘት
ፌስቡክ
https://www.facebook.com/share/127Jeg3ch6p/
ቴሌግራም
http://t.me/mowieethiopia
ዌብሳይት
http://mowe.gov.et
X/ትዊተር
https://x.com/mowe_ethiopia
ዩቱዩብ
https://youtube.com/@ministryofwaterandenergy-e8842?s
ቲክቶክ
tiktok.com/@mowetikto
