የጸረ ጾታዊ ጥቃት እና የኤች አይ ቪ ኤድስ ቀን ተከበረ፡፡

የጸረ ጾታዊ ጥቃት እና የኤች አይ ቪ ኤድስ ቀን ተከበረ፡፡ ታህሳስ 01/2016 ዓ. ም.(ው.ኢ.ሚ)የውሀና ኢነርጂ ሚኒስቴር አመራሮች እና ሰራተኞች የጸረ ጾታዊ ጥቃት እና የኤች አይ ቪ ኤድስ ቀንን በተለያዩ ዝግጅቶች አከበሩ ፡፡ የጸረ ጾታዊ ጥቃት እና የኤች አይ ቪ ኤድስ ቀን በአለም አቀፍ ደረጃ ለ32ኛ ጊዜ በአገራችን ለ18ኛ "መቼም፣ የትም፣ በምንም ሁኔታ ፆታዊ ጥቃትን ዝም አልልም " በሚል መሪ ቃል ከህዳር 16 እስከ ታህሳስ 01/2016 ዓም እየተከበረ ይገኛል፡፡ የውሀና ኢነርጂ ሚኒስቴር የአካቶ ትግበራ ስራ አስፈፃሚ ወ/ሮ የውብዳር አሚኖ የጸረ ጾታዊ ጥቃት እና የኤች አይ ቪ ኤድስ ታሪካዊ ዳራ፣ የጥቃት መንስኤ፣ ተጎጂ ላይ የሚደርስ ተጽእኖ ፣ መከላከያ መንገዶች ፤ ጥቃትን ከማስቆም አንጻር ከወንዶች ምን ይጠበቃል? በሚሉ ርእሰ ጉዳዮች ዙሪያ የተዘጋጀውን ሰነድ አቅርበዋል፡፡ በቀረበው ሰነድ ላይ በርካታ ሀሳቦች፣ አስተያየቶች እና ጥያቄዎች የተነሱ ሲሆን፤ የእለቱን ውይይት የመሩት የክቡር ሚኒስትሩ ጽ/ቤት ሀላፊ አቶ ማሙሻ ሀይሉ የማጠቃለያ ሀሳብ የእለቱ መርሃ ግብር ተጠናቋል፡፡ የሻማ ማብራት ፣ ዳቦ ቆረሳ ፣ የጥያቄና መልስ ውድድር እና ስነ ጽሁፍ የበዓሉ ማድመቂያ ነበሩ፡፡